انٹرنیٹ پر وقت ضائع کرنے پر ڈگری حاصل کرنا ممکن ہوگیا
نیویارک(مانیٹرنگ ڈیسک )ایک امریکی یونیورسٹی نے ویڈیوز دیکھنے، اسٹیٹس اپ ڈیٹس، چیٹنگ، آن لائن شاپنگ، ویب سائٹس اور بلاگز کا معائنہ غرض ہر طرح سے وقت ضائع کرنے پر 2015 ءسے ڈگری کورس کی پیشکش کردی ہے۔
بے مقصد ویب سرفنگ کے آرٹ پر یہ ڈگری آفر کرنے والی پینسلونیا یونیورسٹی کے مطابق انٹرنیٹ پر وقت ضائع کرکے بھی آپ خود کو تعلیم یافتہ بنا سکتے ہیں۔اس ڈگری کے حصول کے لیے بس آپ کو دن بھر میں سکرین کو تین گھنٹے تک گھورنا ہوگاجس دوران بس چیٹ رومز میں بات چیت اور سوشل میڈیا اور سرفنگ کے سوا کچھ نہیں کرنا ہوگااور اگر یہ بھی آپ کے لیے پرکشش ثابت نہ ہوسکے تو ممکنہ امیدواروں کے لیے بے مقصد انٹرنیٹ آوارہ گردی کو لازمی قرار دینے کا وعدہ بھی کیا گیا ہے۔غیر ملکی میڈیا کے مطابق امیدواروں کو ایک مشکل چیز کا بھی سامنا ہوگا جو ہفتہ وار ایک تین گھنٹے کا سیمینار ہوگا جس میں روایتی تدریسی مشق کا سامنا کرنا ہی پڑے گا۔اسی طرح طالبعلموں کو انٹرنیٹ پر وقت ضائع کرنے والی چیزیں جیسے سٹیٹس اپ ڈیٹس، براﺅز ہسٹری، ٹوئیٹس، ایس ایم ایس پیغامات اور چیٹ، کو بھی تحریری شکل میں لانا ہوگا۔
