اداکارہ میرا نے کہا ہے کہ انہیں عمران خان کی جانب سے شادی کی پیشکش پر انکار اور اب شادی کرنے کے معاملے نے ذہنی طور پر بہت زیادہ تکلیف پہنچائی ہے۔ غیر ملکی ویب سائٹ کو دئیے گئے اپنے انٹرویو میں اداکارہ میرا کا کہنا تھا کہ کوشش کررہی ہوں کہ وہ نارمل زندگی کی طرف لوٹ جائیں مگر ایسا کیا جانا ان کیلئے فی الحال بہت مشکل ہے تاہم وقت گزرنے کیساتھ ساتھ ان کے زخم مندمل ہوسکیں گے۔ ان کا کہنا تھا کہ انکار کے کئی طریقے ہیں مگر عمران خان نے براہ راست انکار کرکے ان کا دل توڑ دیا۔
