وزیر اعظم کی جانب سے چیئرمین آئی ٹی بورڈ عمر سیف کو چیئرمین نادرا بنائے جانے کا امکان ہے۔تفصیلات کے مطابق عمر سیف بطور چیئرمین آئی ٹی بورڈ اپنے فرائض سرانجام دے رہے ہیں جبکہ ذرائع کے مطابق اب انہیں چیئرمین نادرا بنائے جانے کا امکان ہے۔ذرائع کا کہنا ہے کہ عمر سیف کو جلد چیئرمین نادرا بنانے کا نوٹیفیکیشن جاری کر دیا جائے گا۔
یاد رہے عمر سیف ن لیگ کے اہم کارکن کے صاحبزادے ہیں جبکہ اس سے قبل انہیں حکومت پنجاب کی جانب سے انفارمیشن ٹیکنالوجی یونیورسٹی کا وائس چانسلر بھی تعینات کیا گیا تھا اور اس کے بعد انہیں خصوصی طور پر چیئرمین آئی ٹی بورڈ مقرر کیا تھا۔
