بلوچستان کے ساحلی علاقوں میں گذشتہ رات سے بارش شروع ہوگئی جس کی وجہ سے ندی نالوں میں طغیانی اور بجلی کانظام درہم برہم ہوگیا۔ مقامی ذرائع کے مطابق گوادر اور تربت میں مسلسل بارش کی وجہ سے نیلنٹ ندی میں طغیانی آگئی ہے جس کی وجہ سے متعددگاڑیاں ندی میں پھنس گئی ہیں جبکہ تربت کا گوادر اور کراچی سے رابطہ منقطع ہوگیاہے ۔ بتایاگیاہے کہ بارش کے بعد بلوچستان کے بیشترعلاقوں میں بجلی کی فراہمی معطل ہوگئی ہے ۔ ملک بھر میں بارشوں کے لیے دعاﺅں کا سلسلہ جاری ہے اور اب بارش کی خبر بلو چستان سے موصول ہوگئی ہے اوراگلے دودن کے اندر میدانی علاقوں میں بھی بارشوں کا امکان ظاہر کیاجارہاہے ۔
