ترجمان وزیر اعظم ڈاکٹر مصدق ملک نے پٹرول بحران کے حوالے سے حکومت کی بے بسی کا اظہار کرتے ہوئے کہا ہے کہ نیپرا آزاد ہو گیا ہے اور وہ کسی کی بات نہیں سنتا۔نجی ٹی وی سے بات کرتے ہوئے ترجمان وزیر اعظم ڈاکٹر مصدق ملک کا کہنا تھا کہ پٹرول بحران پر اصل جھگڑا نیپرا سے چل رہا ہے لیکن وہ حکومت کی بات سننے کو تیار نہیں ہے۔انہوں نے واضح کی کہ حکومت چاہتی ہے کہ سرکلر ڈیٹ نہ ہو لیکن نیپرا مکمل آزاد ہو گیا ہے اور سرکلر ڈیٹ 300 ارب تک جا پہنچا ہے۔
ڈاکٹر مصدق ملک کا کہنا تھا کہ نیپرا کے نئے چیئرمین حکومت کے مسائل کو سمجھ رہے ہیں اور امید کی جا رہی ہے کہ جلد ملک میں جاری پٹرول بحران پر قابو پا لیا جائے گا۔انہوں نے واضح کیا کہ اگر پی ایس او کو بروقت ادائیگی کی جائے تو 20 دن کے پٹرول کا سٹاک رکھا جا سکتا ہے ۔لیکن اس کے باوجود ملک میں پٹرول بحران جاری ہے لیکن حکومت اس پر جلد قابو پانے کے لیے سنجیدگی سے کام کر رہی ہے۔
