21 جنوری کو بالی ووڈ اداکار اکشے کمار اور ٹوئنکل کھنہ نے شادی کی چودھویں سالگرہ منائی۔ دونوں میاں بیوی فلمی د نیا کے ان چند جوڑوں میں سے ہیںجو شادی کے اتنے برس بعد بھی خوش و خرم زندگی گزاررہے ہیں۔ اس موقع پر دونوں نے سوشل میڈیا پپر بھی ایک دوسرے کو مبارکباد دی۔ ٹوئنکل کھنہ نے حال ہی میں اپنا ٹوئٹر اکاﺅنٹ بنایا ہے۔
ایسے میں ایک مداح نے ان سے سوال کیا کہ اکشے کمار نے شادی کی سالگرہ پر تحفہ کیا دیا ہے تو انہوں نے بے حد دلچسپ جواب دیا۔ انہوں نے اکشے کمار کے ساتھ اپنی تصویر اپ لوڈ کی اور ساتھ میں لکھا اکشے نے مجھے اپنی حس مزاح، تھوڑا توازن اور بھرپور حمایت دی ہے جو کہ بہترین تحائف ہیں۔