مظفر گڑھ میں پولیس مقابلہ ، تین ڈاکو ہلاک ، ایک پکڑا گیا
مظفر گڑھ (مانیٹرنگ ڈیسک ) مظفر گڑھ میں ڈاکوﺅں اور پولیس کے مابین مقابلے کے نتیجے میں 3 ڈاکو ہلاک ہوگئے جبکہ ڈاکوﺅں کے ایک ساتھی کو گرفتار کر لیا گیا ہے ، ڈاکو پٹرول پمپ لوٹ کر فرار ہونے کی کوشش کر رہے تھے۔
تفصیلات کے مطابق مظفر گڑھ میں بھٹہ پور بائی پاس کے قریب بستی پنجے والی میں صبح سویرے 5 ڈاکوﺅں نے 3 گھروں کو لوٹنے کے بعد پٹرول پمپ پر لوٹ مار میں مصروف تھے کہ اہل علاقہ نے پولیس کو اطلاع کر دی جس کے بعد پولیس کی بھاری نفری نے تمام علاقے کو گھیرے میں لے لیا اور پولیس سے مقابلے کے بعد 3 ڈاکو موقع پر ہلاک ہو گئے جبکہ ان کے 2 ساتھی فرار ہونے میں کامیاب ہو گئے۔ ہلاک ہونے والے کے شناخت عمران ، قاسم اور سلمان جب کے فرار ہونے والے ایک ڈاکو کی شناخت مشکا کے نام سے ہوئی ہے ، ڈاکوﺅں سے اسلحہ اور دوربین اور دیگر سامان برآمد ہوا ہے جبکہ پولیس نے پانچوں ڈاکوﺅں کو لیکر آنے والی کار اور اس کے ڈرائیور کوبھی اپنی حراست میں لے لیا ہے۔ ڈی پی او رائے ضمیر الحق کے مطابق پانچوں ڈاکوملتان کے رہائشی ہیں اور ان کا تعلق بین الاضلاعی گینگ سے ہے ۔ڈاکوﺅں کو لانے والی کار کے ڈرائیور سے تفتیش کی جا رہی ہے
