لاہور دو بڑے دہشت گردوں کو فیصل آباد کی ڈسٹرکٹ جیل میں پھانسی دینے کے بعد کوٹ لکھپت جیل میں قید دہشت گرد زاہد کو پھانسی دینے کی تیاریاں شروع کر دی گئی ہیں۔ تفصیلات کے مطابق زاہد کا میڈیکل چیک اپ کرانے کیلئے ڈاکٹر کو طلب کر لیا گیا ہے جس کے بعد اس کا آخری بیان ریکارڈ کرایا جائے گا اور لواحقین سے ملاقات کرائی جائے گی۔ ذرائع کے مطابق اس موقع پر کوٹ لکھپت جیل کے باہر انتہائی سخت حفاظتی اقدامات بھی کئے گئے ہیں۔ واضح رہے کہ دہشت گرد زاہد ملتان میں آرمی کیمپ پر حملے کا مجرم ہے۔
