پاکستانی اداکار فواد خان نے بھارت میں کامیابی کے جھنڈے گاڑنا شروع کردیے ہیں اور اب اطلاعات ہیں کہ وہ ایک فلم میں پریانکاچوپڑا کے ساتھ جلوہ گرہوں گے ۔ ایک انگریزی اخبار کے مطابق پاکستان میں ’زندگی گلزارہے ‘ اور ’ہم سفر‘جیسے ڈرامے کرنے کے بعد بالی ووڈ فلم ’خوبصورت‘ میں سونم کپور کے ساتھ اداکاری میں ان مٹ نقوش چھوڑنے والے فواد خان کے بارے میں اطلاعات ہیں کہ وہ اب پریانکاچوپڑا کے ساتھ مدھر بھنڈاکر کی فلم میں جلوہ گر ہوں گے جس میں دکھایاجائے گاکہ ایک آئیٹم گرل کیسے سیاستدان بنتی ہے تاہم ابتدائی طورپر پروڈیوسر یا اداکار کی طرف سے تصدیق نہیں ہوسکی تاہم یہ خبر سچ ثابت ہونے کے بعد شائقین کو ایک نئی جوڑی دیکھنے کو ملے گی ۔
