افغانستان سے پاکستان میں دہشت گردوں کی ممکنہ دراندازی اور غیر قانونی تارکین وطن کے داخلے کو روکنے کے ساتھ ساتھ منشیات و اسلحہ کی نقل وحرکت بند کرنے کے لیے فرنٹئیر کور بلوچستان نے پاک افغان سرحد پر خندق کھودنے کے پہلے مرحلے کا کام مکمل کر لیا جبکہ فرنٹئیر کور یعنی ایف سی حکام نے خندق کے دوسرے مرحلے کا کام جلد شروع کرنے کا بھی اعلان کیا ہے۔ فرنٹئیر کور بلوچستان کے حکام کے مطابق یہ خندق بلوچستان کے چھ اضلاع کے میدانی علاقوں میں کھو دی گئی۔ آٹھ فٹ گہری اور دس فٹ چوٹی خندق کی کھدائی کے منصوبے کا آغاز گزشتہ سال مئی میں ہوا تھا۔ بلوچستان کے وزیر داخلہ سر فراز بگٹی نے کوئٹہ میں ایک پریس کانفرنس کے دوران بتایا کہ ملک کو محفوظ بنانے کے لیے سرحدوں کا تحفظ ناگزیر ہے۔
