پیار میں رقیب ہونا ایک عام سی بات ہے لیکن کیا کریں جب آپ کا رقیب کوئی انسان نہیں بلکہ ایک بھوت ہو۔ یہ کوئی خیالی کہانی نہیں بلکہ حال ہی میں پیش آنے والے برطانوی خاتون کی زندگی کی اصل کہانی ہے۔ 28سالہ گیما تھامسن نامی برطانوی خاتون کا کہنا ہے جب وہ اپنے بوائے فرینڈ ’جے‘کے ساتھ نئے گھر میں منتقل ہوئی تو وہ بہت خوش تھی لیکن جلد ہی اس کی یہ خوشی ہوا میں تحلیل ہو گئی جب اس نے دیکھا کہ وکٹوریا دور کے ایک سیاہ لباس میں ملبوس نسوانی ہیولا اس کے گھر میں پھرتا ہے اور اس وقت وہ بہت زیادہ جذباتی ہو جاتا ہے جب وہ اپنے رقیب کے پاس جاتی ہے اور وہ ہیولا ہر ممکن کوشش کرتا ہے کہ خاتون کو اس کے محبوب سے دور کیا جائے۔
روح کا تھوڑا سا علم رکھنے والے ایک شخص سے خاتون نے رابطہ کیا تو اس نے بتایا کہ وہ خاتون بھوت ہے اور اس کے محبوب پر عاشق ہوچکی ہے اور یہی وجہ ہے کہ وہ ’گیما‘ کو ’جے‘ کے نزدیک دیکھنا پسند نہیں کرتی۔ گیما تھامسن کا کہنا ہے کہ وہ اس بات پر بہت رنجیدہ ہوئی لیکن اب اس نے فیصلہ کیا ہے کہ وہ اس بھوت کو شکست دے کر اپنے محبوب کو جیت لے گی