برطانیہ میں اگرچہ پاکستانی شہری کافی طاقتور پوزیشن میں ہیں اور تقریباً ہر دور حکومت میں پارلیمنٹ میں بھی ان کی نمائندگی موجود ہوتی ہے لیکن پھر بھی بسا اوقات برطانوی حکام یا شہریوں کی طرف سے پاکستانیوں کے خلاف نسلی تعصب کا مظاہرہ کیا جاتا ہے۔ گزشتہ دنوں ملکۂ برطانیہ کے ویسٹ مڈلینڈز میں خصوصی نمائندے پاؤل سیباپیتھی کی متنازعہ ای میلز لیک ہوگئیں جن میں اس نے پاکستانیوں کے بارے میں تعصبانہ بیانات دیئے تھے۔
لارڈ لیفٹیننٹ پاؤل سیباپیتھی نے ان ای میلز میں لکھا تھا کہ ’’پاکستانیوں کو تہذیب سکھانے کے لیے ہمیں ابھی بہت سا کام کرنا پڑے گا۔پاکستانی صرف اپنی کمیونٹی سے ہی روابط رکھتے ہیں اور دیگر قومیتوں سے تعلقات استوار نہیں کرتے۔ انہیں معلوم ہونا چاہیے کہ وہ برطانیہ میں رہ رہے ہیں، پاکستان میں نہیں۔ اگر وہ چاہتے ہیں کہ ان کے بچے بطور پاکستانی نژاد برطانوی شہری کامیاب ہوں تو انہیں اپنی پاکستانی ثقافت اور ورثے پر فخرکرنے کی بجائے دیگر قومیتوں کے لوگوں سے بھی روابط رکھنے کی ضرورت ہے۔‘‘
برطانوی اخبار ’’دی گارڈین‘‘ کی رپورٹ کے مطابق پاؤل سیباپیتھی نے ای میلز لیک ہونے کے بعد پاکستانی کمیونٹی سے معافی مانگتے ہوئے کہا کہ میں نے ایسے فقرے ای میلز میں لکھ کر پاکستانی کمیونٹی سمیت دیگر شہریوں کے جذبات مجروح کیے ہیں۔اس کے ساتھ ہی پاؤل اپنے عہدے سے بھی مستعفی ہو گئے۔ انہوں نے یہ ای میل برطانیہ میں مقیم پاکستانیوں کے 14اگست کا جشن بھرپور طریقے سے منانے پر لکھی تھیں۔
لارڈ لیفٹیننٹ پاؤل سیباپیتھی نے ان ای میلز میں لکھا تھا کہ ’’پاکستانیوں کو تہذیب سکھانے کے لیے ہمیں ابھی بہت سا کام کرنا پڑے گا۔پاکستانی صرف اپنی کمیونٹی سے ہی روابط رکھتے ہیں اور دیگر قومیتوں سے تعلقات استوار نہیں کرتے۔ انہیں معلوم ہونا چاہیے کہ وہ برطانیہ میں رہ رہے ہیں، پاکستان میں نہیں۔ اگر وہ چاہتے ہیں کہ ان کے بچے بطور پاکستانی نژاد برطانوی شہری کامیاب ہوں تو انہیں اپنی پاکستانی ثقافت اور ورثے پر فخرکرنے کی بجائے دیگر قومیتوں کے لوگوں سے بھی روابط رکھنے کی ضرورت ہے۔‘‘
برطانوی اخبار ’’دی گارڈین‘‘ کی رپورٹ کے مطابق پاؤل سیباپیتھی نے ای میلز لیک ہونے کے بعد پاکستانی کمیونٹی سے معافی مانگتے ہوئے کہا کہ میں نے ایسے فقرے ای میلز میں لکھ کر پاکستانی کمیونٹی سمیت دیگر شہریوں کے جذبات مجروح کیے ہیں۔اس کے ساتھ ہی پاؤل اپنے عہدے سے بھی مستعفی ہو گئے۔ انہوں نے یہ ای میل برطانیہ میں مقیم پاکستانیوں کے 14اگست کا جشن بھرپور طریقے سے منانے پر لکھی تھیں۔
