ہٹ دھرمی اور بے شرمی کا ریکارڈ، وینا ملک ”امید“ سے
ممبئی (مانیٹرنگ ڈیسک) بھارت میں مقیم پاکستانی اداکارہ وینا ملک نے منگل کو اپنی سالگرہ کے دن ایک منٹ میں 123بوسے لے کر ایک نیا ریکارڈ قائم کیا ہے جس سے اداکارہ گنیز بک آف ورلڈ ریکارڈ نام شامل کرانے کیلئے ’امید‘ سے ہیں ۔چھبیس فروری کواپنی سالگرہ کے موقع پر ویناملک نے فیصلہ کیا کہ ہاتھ پر ایک منٹ میں سب سے زیادہ بوسے لینے کا ریکارڈ توڑیں گی اور وہ123بوسے لینے میں کامیاب ہوگئیں۔ وینا ملک نے بتایا کہ ان کا یہ تجربہ خوشگوار رہا، ماضی میں بہت سے ریکارڈ انجانے میں توڑے ہیں لیکن اس بار انہوں نے سوچا کہ کیوں نہ باقاعدہ یہ کام کیا جائے۔ایک سوال کے جواب میں اُنہوں نے اُن ریکارڈز کے بارے میں تبصرہ کرنے سے انکار کر دیا۔واضح رہے کہ اِس سے قبل سلمان خان نے اپنے ہاتھ پر ایک منٹ میں ایک سو آٹھ بوسے حاصل کر کے ریکارڈ بنایا تھا
