بجلی بچانے کے نہایت آسان اور دلچسپ طریقے
لندن(نیوز ڈیسک)گھریلو برقی آلات کا استعمال ہمارے ماہانہ بجلی کے بلوں میں اضافے کی اہم وجہ ہے، ذیل میں بیان کردہ کچھ طریقے آپ کے ماہانہ بجلی کے بلوں میں کمی کا باعث ہوں گے۔
ٹوتھ پیسٹ سے استری کی کارگردگی میں اضافہ
تحقیق کے مطابق حسب ذیل تجاویز پر عمل پیرا ہو کر آپ اپنی استری کی کارکردگی کو بہتر بنا سکتے ہیں۔
جب آپ کی استری ٹھنڈی حالت میں ہو تو کسی نرم کاٹن سے اس کی پلیٹ کو صاف اور پاش کریں۔
جب استری گرم ہو تو گیلے کپڑے سے اس پر پڑے داغ اچھی طرح رگڑ کر اتار دیں۔
اگر نشان پکے ہوں تو انہیں ختم کرنے کے لیے ٹوتھ پیسٹ کا استعمال کریں۔
کپڑے پر تھوڑا سا ٹوتھ پیسٹ لگا کر اچھی طرح صاف کریں۔
کپڑے کو بھی پانچ منٹ تک بھاپ میں رکھیں تاکہ تاکہ استری کی مکمل صفائی کو یقینی بنایا جا سکے ۔
جب آپ مذکورہ بالا طریقے سے اپنی گھریلو استری کو صاف کر لیں گے تو یقین کیجئے کہ اس کی کارگردگی میں اضافہ ہو گا اور اس سے بجلی کا بل بھی کم آئے گا۔
کھانا پکاتے وقت پیسے کی بچت
اوون میں کھانا پکاتے یا گرم کرتے وقت جتنی بار آپ اوون کا دروازہ کھولتے ہیں اتنی ہی بار اوون کا درجہ حرارت دس ڈگری تک کم ہو جاتا ہے جس سے کھانا پکنے کا وقت بڑھ جاتا ہے اور بجلی بھی زیادہ خرچ ہوتی ہے لہٰذا کیک بناتے وقت یا چرغہ روسٹ کرتے وئے اوون کا دروازہ بار بار مت کھولیں اس کے علاوہ سال میں ایک مرتبہ اوون کے دروازے کی صفائی بھی بجلی کے استعمال میں کمی کا باعث ہے کیونکہ ایک صاف ستھرا اوون گندے اوون کی نسبت زیادہ بہتر طریقے سے کام کرتا ہے۔
بیکنگ ٹرے کی جگہ شیشے کا ٹرے استعمال کریں
کھانا پکاتے وقت صحیح ڈشوں کا استعمال بھی بجلی کے بلوں میں کمی کا باعث ہوتا ہے۔ دھاتی ٹرے جلد گرم ہو جاتے ہیں لیکن جلد ٹھنڈے بھی ہو جاتے ہیں سلیکائی شیشے سے بنے برتن دیر تک گرم رہتے ہیں جس سے بجلی کی بچت متوقع ہے۔
فریج کو پانی کی بوتلوں سے بھر دیں
جتنی بار آپ اپنی فریج کھولتے ہیں اتنی بار اس کی ٹھنڈک میں کمی آتی ہے اور ہر بار اس کمی کو پورا کرنے کے لیے فریج توانائی کا استعمال کرتی ہے لیکن جب فریج بھری ہوئی ہوتی ہے تو لمبے عرصے تک ٹھنڈی رہتی ہے لہٰذا جب آپ کی فریج بھری ہوئی ہو توا س میں پانی کی بوتلیں بھر کر رکھ دیں اس سے فرج ٹھنڈی رہے گی اور بجلی بھی کم استعمال ہو گی۔
ریڈی ایٹر خالی کر دیں
اس سے اس کی کار گردگی بڑھ جائے گی اور اس میں قابل قدر اضافہ ہو گا۔
فریج میںجمی برف صاف کر دیں
اپنی فریج میں جمی ہوئی برف کو پگھلا دیں کیونکہ اس کی موجودگی میں فریج کو کام کرنے کے لیے سخت محنت کرنا پڑتی ہے جس سے بجلی زیادہ خرج ہوتی ہے۔
