دھرنے کا بنیادی مقصد وزیر اعظم کا استعفٰی نہیں تھا : جاوید ہاشمی کا نیا انکشاف
ملتان ( مانیٹرنگ ڈیسک ) پاکستان تحریک انصاف کے سابق صدر جاوید ہاشمی نے مزید انکشافات کر تے ہوئے بتایا کہ وزیر اعظم کا استعفٰی لینا دھرنے کا بنیادی مقصد نہیں تھا،اس کا فیصلہ عمران خان نے اچانک کنٹینر پر کیا۔تفصیلات کے مطابق جاوید ہاشمی کا کہنا تھا کہ دھرنے کا بنیادی مطالبہ انتخابی اصلاحات تھیں لیکن کنٹینر پر عمران خان نے فیصلہ تبدیل کر لیا۔انہوں نے یہ بھی کہا کہ بہت سے لوگ خفیہ اشارے سے تحریک انصاف میں شامل ہوئے تھے۔جبکہ تحریک انصاف کی جانب سے تاحال کوئی رد عمل سامنے نہیں آیا۔
