گستاخانہ خاکوں کیخلاف احتجاج کرنے والے اسلامی جمعیت طلباءپر پولیس ٹوٹ پڑی آنسو گیس کی شیلنگ اور ہوائی فائرنگ کی جس کی زد میں آکر نجی ٹی وی چینل کا کیمرہ مین اور غیرملکی خبر رساں ادارے کے صحافی کے زخمی ہونے کی اطلاعات ہیں ۔تفصیلات کے مطابق فرانسیسی جریدے کے گستاخانہ خاکے شائع کرنے کیخلاف اسلام جمعیت طلباءتین تلوار پر احتجاجی مارچ کرتے ہوئے فرانسیسی قونصل خانے کی جانب بڑھ رہے تھے کہ پولیس ان کے راستے میں آ گئی اور انہیں روکنے کی کوشش کی لیکن مظاہرین نے پیش قدمی جاری رکھی جس پر پولیس ڈنڈوں لاٹھیوں سے مظاہرین پر ٹوٹ پڑ ی اور مظاہرین کو منتشر کرنے کے لیے ہوائی فائرنگ،آنسو گیس کی شیلنگ اور واٹر کینن استعمال کیا گیا جس کی زد میں آکر نجی ٹ وی چینل کیپٹل ٹی وی کا کیمرہ مین عدیل اورغیرملکی خبررساں ادارے کا صحافی آصف سمیت پولیس اورمظاہرین میں کئی افراد کے زخمی ہونے کی اطلاعات ہیں۔مظاہرین کی جانب سے پولیس پر بھاری پتھر اﺅ کا سلسلہ جاری ہے جس کی زد میں آکر کئی پولیس افسر بھی زخمی ہوئے ہیںتاہم پولیس نے مظاہرین کومنتشر کرنے کے لیے رینجرز نفری بھی طلب کر لی ہے جبکہ اس دوران پولیس نے کئی مظاہرین کو گرفتار بھی کر لیاہے ۔
جناح ہسپتال کے ترجمان ڈاکٹرسیمی جمالی نے کہاہے کہ زخمی ہونے والے صحافی آصف کی حالت تشویشناک ہے اور ڈاکٹر ز انہیں بچانے کی پوری کوشش کر رہے ہیں
جناح ہسپتال کے ترجمان ڈاکٹرسیمی جمالی نے کہاہے کہ زخمی ہونے والے صحافی آصف کی حالت تشویشناک ہے اور ڈاکٹر ز انہیں بچانے کی پوری کوشش کر رہے ہیں
