وزیراعظم نواز شریف نے گلگت بلتستان اور آزاد کشمیر میں بھی 21 ویں ترمیم لاگو کرنے اور فوجی عدالتیں قائم کرنے کی منظوری دیدی ہے۔ وزیراعظم کا کہنا ہے کہ پاکستان کی سرزمین سے دہشت گردی کے مکمل خاتمے کیلئے تمام ضروری اقدامات اٹھائے جائیں گے۔ تفصیلات کے مطابق وزیراعظم نواز شریف کی زیر صدارت اعلیٰ سطح کا اجلاس ہوا جس میں آزاد کشمیر اور گلگت بلتستان میں فوجی عدالتوں کے قیام اور 21 آئینی ترمیم نافذ کرنے کا فیصلہ کیا گیا۔ اجلاس کے اعلامیہ کے مطابق گلگت بلتستان اور آزاد کشمیر میںبھی فوجی عدالتیں قائم کرنے اور 21 ویں ترمیم نافذ کرنے کی منظوری دے دی گئی ہے۔ آزاد کشمیر، گلگت میں فوجی عدالتوں کے قیام کیلئے آرمی ایکٹ ترمیم نافذ ہو گی جبکہ آزاد کشمیر کونسل اور گلگت بلتستان کونسل 21 ویں ترمیم کی منظوری دیں گے ۔
اعلامیہ کے مطابق اجلاس میں بریفنگ کے دوران وزیراعظم کو بتایا گیا کہ 23 دسمبر سے اب تک پنجاب اور اسلام آباد میں نفرت انگیز تقاریر پر 164 مقدمات درج ہوئے اور نفرت انگیز تقاریر شائع کرنے پر 40 پرنٹنگ پریس اور دکانیں سیل کی گئیں۔ لاﺅڈ سپیکر کے غلط استعمال پر 1994 مقدمات درج کئے گئے جبکہ 1088 گرفتاریاں عمل میں لائی گئیں۔ بریفنگ کے دوران بتایا گیا کہ پنجاب کے علاوہ دیگر 3 صوبوں سے ایکشن پلان پر عملدرآمد کی رپورٹ موصول نہیں ہوئی ہے جس پر وزیراعظم نواز شریف کا کہنا تھا کہ وہ نیشنل ایکشن پلان پر عملدرآمد کی خود نگرانی کریں گے اور آئندہ چند روز میں پیش رفت کا دوبارہ جائزہ لیا جائے گا ۔ ان کا کہنا تھا کہ ہمارے معاشرے میں دہشت گردی اور دہشت گردوں کیلئے کوئی جگہ نہیں، پاکستان کی سرزمین سے دہشت گردی کے مکمل خاتمے کیلئے تمام ضروری اقدامات اٹھائے جائیں گے۔
اعلامیہ کے مطابق اجلاس میں بریفنگ کے دوران وزیراعظم کو بتایا گیا کہ 23 دسمبر سے اب تک پنجاب اور اسلام آباد میں نفرت انگیز تقاریر پر 164 مقدمات درج ہوئے اور نفرت انگیز تقاریر شائع کرنے پر 40 پرنٹنگ پریس اور دکانیں سیل کی گئیں۔ لاﺅڈ سپیکر کے غلط استعمال پر 1994 مقدمات درج کئے گئے جبکہ 1088 گرفتاریاں عمل میں لائی گئیں۔ بریفنگ کے دوران بتایا گیا کہ پنجاب کے علاوہ دیگر 3 صوبوں سے ایکشن پلان پر عملدرآمد کی رپورٹ موصول نہیں ہوئی ہے جس پر وزیراعظم نواز شریف کا کہنا تھا کہ وہ نیشنل ایکشن پلان پر عملدرآمد کی خود نگرانی کریں گے اور آئندہ چند روز میں پیش رفت کا دوبارہ جائزہ لیا جائے گا ۔ ان کا کہنا تھا کہ ہمارے معاشرے میں دہشت گردی اور دہشت گردوں کیلئے کوئی جگہ نہیں، پاکستان کی سرزمین سے دہشت گردی کے مکمل خاتمے کیلئے تمام ضروری اقدامات اٹھائے جائیں گے۔